For awe the ways, an awe the days
We laughed sae braw an fine
A memory, is there tae see
Thit's yours as weel as mine
For awe the fun, through rain or sun
Oor smiles wur always there
A wave a glance, by fate or chance
Sae often we did share
For awe the times, ah wrote ye rhymes
An sent them tae yer mail
Ah hope tae say, they made yer day
An wur high upon yer scale
For awe the work' we used tae shirk
Oor patter it wis slick
We played along, wae rhyme an song
Till we wur split up quick
For awe that space, through luck or grace
It never mattered much
Wae sight or sound, a way wis found
Tae always keep in touch
For awe the thought, oh fun or not
A wonder leaves a trace
Of whit wis so, an did we know
The looks upon oor face
So, for awe ah’ll tell, ah wish ye well
As we part wae sadness deep
An as time dis pass, sweet bonnie lass
Such memories we wull keep
|
Submission Name: For Awe
